氹氹轉 菊花園
氹氹轉,菊花園,炒米餅,糯米圓,阿媽帶我睇龍船,我唔睇,睇雞仔,雞仔大,拎去賣,賣得幾多錢,賣得三百六十五個仙。
噯姑乖,噯姑大
噯姑乖,噯姑大,噯大個姑仔嫁后街,后街有鮮魚鮮肉賣,又有紅皮屐仔繡花鞋,又有鮮花戴,戴又戴唔曬,丟落床頭界老鼠拉,一拉拉到大新街,大人執到笑眯眯,細路執到當銀牌。
點蟲蟲
點蟲蟲,蟲蟲飛,飛到荔枝基,荔枝熟,摘滿屋,屋滿紅,伴住個細蚊公。
開啟蚊帳
開啟蚊帳,開啟蚊帳,有隻蚊,有隻蚊,快啲摞把扇嚟,快啲摞把扇嚟,潑走佢,潑走佢,開啟蚊帳,開啟蚊帳,只有貓,只有貓,快啲摞支竹嚟,快啲摞支竹嚟,嚇走佢,嚇走佢。
大笨象,揸支槍
大笨象,揸支槍,去打仗,打完仗,返嚟食碗辣椒醬,隔籬屋企燒炮仗,問你響唔響,唔響升你兩巴掌。
排排坐,食粉果
排排坐,食粉果,豬拉柴,狗燒火,貓兒擔凳姑婆生,坐爛個屎窟唔好賴我,賴翻隔籬個二叔婆。
雞公仔,尾彎彎
雞公仔尾彎彎,做人呢點可以怕艱難,清早起床返學去,執齊啲書本啊上學堂,一分耕耘自有一分收穫,懶惰去做人呀,又點會有所成啊;
雞公仔尾彎彎,做人呢當然要有精神,清早起床有好習慣,經常都溫書啊要學勤,一分耕耘自有一分收穫,懶惰去做人呀,又點會有所成啊。
猜呈尋
呈尋剪,呈尋包,呈尋糯米叉燒包,老鼠唔食炸藥包,執到糧票買麵包。
月光光,照地堂
月光光,照地堂,蝦仔你乖乖訓落床,聽朝阿媽要趕插秧咯,阿爺睇牛佢上山岡,蝦仔你快高長大,幫乎阿爺去睇牛羊;
月光光,照地堂,蝦仔你乖乖訓落床,聽朝阿爸要捕魚蝦,阿嫲織網要織到天光,蝦仔你快高長大,划艇撒網就更在行;
月光光,照地堂,年卅晚,摘檳榔,五穀豐登堆滿倉,老老嫩嫩喜洋洋啊,蝦仔你快啲眯埋眼,一覺訓到大天光啊。
伏匿匿
一就預備,二就匿埋,三就開盤,四就嚟到,砰到算數。
三更燈火五更雞
三更燈火五更雞,正是男兒用功時。少年不知勤學早,老來方恨讀書遲。
豬婆婆
豬婆婆,賣菠蘿,賣畀地主做老婆,地主唔要佢,一覺將佢踢落河,執翻上嚟暈
酡酡。
又喊又笑
又喊又笑,烏蠅打醮,蠄蟧瀨尿,老鼠行橋,行到西門口,畀人打囉柚。
木棉花
木棉花,真好嘢,執一串,摞回家,要煲祛溼茶,唔使問阿媽。
落雨大,水浸街
落雨大,水浸街,阿哥擔柴上街賣,阿嫂出街著花鞋,花鞋花襪花腰帶,珍珠蝴蝶兩邊排,排排都有十二粒,粒粒圓亮
冇瑕疵。
飲涼茶
熱氣唔使心怕怕,廣東涼茶有揸拿,傷風感冒都搞掂,文化遺產一枝花。
雞公欖
雞公福,雞公欖好味,食到眼眨眨,幫襯唔使行落樓,要買一拋到天棚。
上下九
行街上九到下九,觀光唔使四圍走,廣州風情一網盡,滿洲窗前食石榴。
摘荔枝
冇米又叫糯米餈,細核先系靚荔枝,七八驕陽頂頭曬,包摘荔枝正當時。
賣涼粉
爽滑有益涼粉糕,何姐挑擔兩邊遨,穿街過巷大聲嗌,要買趁手慢手
冇。
過中秋
月亮光光照廣州,鬥整燈籠過中秋,阿爸隨手扎花燈,啊嫲拜月穩碌柚。
睇龍船
龍舟舟,珠江遊,兩岸觀賽撞崩頭,齊撐扒仔搶出位,不奪頭名不罷休。
睇花燈
正月十五最開心,天光就望天快暗,前臺追著大花臉,後臺爭睇走馬燈。
爆米花
早禾米,
畢幾升,爆米機前企定定,排隊等候肥仔米,一聲巨響伴笑聲。
上茶樓
一盅兩件話當年,而今覺得唔夠堅,朝宴打的去南國,急呼夥計上河鮮。
舞獅子
得得得懂撐撐撐,歡天喜地鬧年頭,鋪頭開門笑迎客,採青獅子舞一番。
————————————————————————————————
你還知道哪些經典的粵語童謠?
歡迎留言哦!